ისტორიულ გამარჯვებას აღნიშნავენ რეგიონებშიც - ეროვნული ნაკრების წარმატებას გვიან ღამემდე ზეიმობდნენ ბათუმში.

შავი ზღვის პირა ქალაქის ქუჩებში რამდენიმე საათის განმავლობაში ქართული ფეხბურთის ჰიმნად ქცეული სიმღერის ხმები ისმოდა. ქალები, ბავშვები, მოხუცები, სპორტის დიდი გულშემატკივრები და დილეტანტებიც - ყველა ქუჩაში იყო და ერთმანეთს გამარჯვებას ულოცავდნენ.

ზოგი ამ გამარჯვებას წლები ელოდა, ზოგიც ქართული ფეხბურთის გულშემატკივარი ახლახან გახდა. დღეს ყველა ფეხბურთით ცხოვრობს და ფიქრობს, რომ ბრძოლას ყოველთვის აქვს აზრი.