"ბათუმელების" ინფორმაციით, ხულოში, ხიხაძირი-კალოთას დამაკავშირებელ გზაზე ავტოსაგზაო შემთხვევა მოხდა - ინციდენტს მოზარდი ემსხვერპლა. 

ავარიის შედეგად ასევე ორი ადამიანი დაშავდა, რომლებიც ამ დროისთვის კლინიკაში არიან გადაყვანილები. 

მომხდარზე გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.