შინაგან საქმეთა სამინისტრო "ძლიერი საქართველოს" წევრის,  ვუსალ კაიბოვის დაკავაბის შესახებ განცხადებას ავრცელებს. 

უწყების ცნობით,  1993 წელს დაბადებულ კაცს ცეცხლსასროლი იარაღის უკანონო შეძენა-შენახვას ედავებიან. 

უწყების ცნობით, სამართალდამცველებმა, მოსამართლის განჩინების საფუძველზე ბრალდებულის საცხოვრებელი სახლის ჩხრეკისას 2 ცეცხლსასროლი იარაღი და 59 ვაზნა ნივთმტკიცებად ამოიღეს.

ცეცხლსასროლი იარაღის უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 236-ე მუხლის მე-3 ნაწილით მიმდინარეობს. დანაშაული 3-დან 6 წლამდე ვადით თავისუფლების აღკვეთას ითვალისწინებს.

საგარეჯოს მუნიციპალიტეტში "ძლიერი საქართველოს" წევრის დაკავების შესახებ ინფორმაცია კოლიციის ლიდერმა, საბა ბუაძემ გააჟღერა. კოალიციაში მხარდამჭერის დაკავებას მის პოლიტიკურ საქმიანობას უკავშირებენ.