სპეცოპერაცია პანკისში - ვინ არიან ტერორიზმის ბრალდებით დაკავებულები

24.08.21 13:10
სპეცოპერაცია პანკისში - ვინ არიან ტერორიზმის ბრალდებით დაკავებულები

"ტვ პირველმა" პანკისის ხეობაში ჩატარებული ხმაურიანი სპეცოპერაციის შედეგად დაკავებულთა ვინაობა დაადგინა. 

"პირველების" კორესპონდენტის ცნობით, სუს-ის თანამშრომლებმა ქორეთში სამი პირი: რამაზ ქავთარაშვილი, ჰამზათ ბაღაკაშვილი და რამაზ მარგოშვილი დააკავეს. 

სამართალდამცავებმა დუისში აიყვანეს მაგამედ მაჩალიკაშვილი და იუსუფ თათიაშვილი. 

დაკავებულები ამ წუთებში კახეთიდან თბილისში ზაჰესის წინასწარი მოთავსების იზოლატორში გადაჰყავთ.

"პირველების" ინფომრაციით, სუს-ის თანამშრომლები ახალგაზრდების სატელეფონო საუბრებს რამდენიმე თვის განმავლობაში  ისმენდნენ და სავარაუდო დანაშაულის კვალზეც ასე გავიდნენ.

დუისსა და ქორეთში, 5 სახლში, სპეცდანიშნულების რაზმი გამთენიისას 7 საათზე შევიდა. 

დაკავებულებს ტერორიზმთან კავშირს ედავებიან, რაც მათი მშობლების აზრით,  სასაცილო ბრალდებაა.