ცესკოს ჭიშკარს ბოქლომი დაადეს - ცენტრალური საარჩევნო კომისიის ეზოში სამართალდამცველების უპრეცედენტო მობილიზებაა. 

ჯერჯერობით, ცესკოს შენობაში არ უშვებენ ჟურნალისტებს. 

ცნობისთვის, ცენტრალური საარჩევნო კომისიაში 11 საათზე სხდომაა ჩანიშნული - ცესკო არჩევნების შედეგებს შეაჯამებს.

არჩევნების შედეგების შეჯამება ცესკოს სხდომის დღის წესრიგში პირველი საკითხია.

არჩევნების შედეგების შეჯამების პარალელურად, ცენტრალური საარჩევნო კომისიის შენობასთან აქცია გაიმართება. ოპოზიცია, სამოქალაქო ორგანიზაციები, სტუდენტები ცესკოს შენობასთან შეკრებას უკვე იწყებენ.