აღმაშენებლის ხეივანზე შეკრებილი მოქალაქეები სამართალდამცველებს აქტივისტების წინააღმდეგ ძალადობრივი ქმედებების განხორციელებაში ადანაშაულებენ.

როგორც ერთ-ერთი ახალგაზრდა "პირველებთან" აცხადებს, პოლიციის თანამშრომლების მხრიდან აგრესიული მოპყრობის გამო ადგილზე აქციის მონაწილეებს სასწრაფოს ბრიგადების  გამოძახება დასჭირდათ. 

როგორც ყოველთვის, არ ინდობენ არავის. არიან აგრესიულები. გოგო გადააყირავეს, მოგვიწია სასწრაფოს გამოძახება. პოლიცია, რომელიც არ დგას ხალხის მხარეს, როგორ უნდა ვუწოდოთ ჩვენ მას პოლიცია. მოღალატეები, ოლიგარქის მსახურები არიან, რომელთაც საკუთარი აზრი არ გააჩნიათ", - ამბობს ახალგაზრდა. 

აღმაშენებლის ხეივანში ვითარება დაძაბულია - სამართალდამცავებსა და აქციის მონაწილეებს შორის ფიზიკური დაპირისპირებაა. გავრცელებული ინფორმაციით, პოლიციამ ადგილზე სავარაუდოდ, დაკავებებიც დაიწყო.