რუსთაველის გამზირი ისევ გადაკეტილია - სისხლიანი ღამის შემდეგ ხალხი  ისევ პარლამენტთან იკრიბება.  დედაქალაქის ცენტრალური გამზირი ისევ ხალხით შეივსო და მოსალოდნელია, რომ  დღეს პარლამენტთან იმაზე მეტი ადამიანი მივა, ვიდრე გუშინ. 

შეკრებილებს ადგილზე მოტანილი აქვთ ბანერი წარწერით: “ისინი აირჩია ოლიგარქმა და არა ხალხმა”.

უცნობია, იქნება თუ არა რუსთაველზე სიტყვით გამოსვლები, აქციის მონაწილეები ადგილზე საქართველოს პრეზიდენტს ელოდებიან.