საპოლიციო ძალების მიერ მედიის წარმომადგენლებზე განხორციელებულ სასტიკ ანგარიშსწორებასთან დაკავშირებით მედიის თავისუფლების კოალიციის თანათავმჯდომარეები ერთობლივ განცხადებას ავრცელებენ.

ისინი ჟურნალისტებისა და მედიაში დასაქმებულების მიმართ წარმოებულ ნებისმიერ მუქარასა და ძალადობას გმობენ და "ქართულ ოცნებას" ძალის გადამეტებული გამოყენების შეწყვეტისკენ მოუწოდებენ.

განცხადებაში ასევე ნათქვამია, რომ 28 ნოემბრის შემდეგ "საქართველოს ჟურნალისტურმა ეთიკის ქარტიამ" ჟურნალისტებისა და მედიის წარმომადგენლების მიმართ ძალადობისა და საქმიანობაში ხელშეშლის 70-ზე მეტი შემთხვევა დააფიქსირა.

მედიის თავისუფლების კოალიციის თანათავმჯდომარეები უკიდურეს შეშფოთებას გამოხატავენ პროევროპულ საპროტესტო აქციებზე საქართველოს ხელისუფლების მიერ ჟურნალისტებისა და მედიაში დასაქმებულების მიმართ ძალის გადამეტების, ძალადობისა და დაკავებების გამო.

28 ნოემბრის შემდეგ „საქართველოს ჟურნალისტურმა ეთიკის ქარტიამ“ ჟურნალისტებისა და მედიის წარმომადგენლების მიმართ ძალადობისა და საქმიანობაში ხელშეშლის 70-ზე მეტი შემთხვევა დააფიქსირა. მათ შორის არიან ქალი ჟურნალისტებიც.

ჩვენ ვგმობთ, ჟურნალისტებისა და მედიაში დასაქმებულების მიმართ წარმოებულ, ნებისმიერ მუქარასა და ძალადობას. მათ უნდა შეეძლოთ საზოგადოების ინფორმირება ძალადობისა და ხელის შეშლის შიშის გარეშე. ძალადობისა და მუქარის ყველა შემთხვევა საფუძვლიანად უნდა იქნას გამოძიებული, ხოლო დამნაშავეები უნდა მიეცნენ პასუხისგებაში.

ჩვენ მოვუწოდებთ საქართველოს ხელისუფლებას, შეწყვიტოს საპროტესტო აქციების გაშუქებისას, ჟურნალისტების მიმართ ძალის გადამეტებული გამოყენება და შეასრულოს ნაკისრი ვალდებულებები მედიის თავისუფლებისა და ჟურნალისტების უსაფრთხოების დაცვის, ასევე, მშვიდობიანი შეკრების უფლების კუთხით". - წერია განცხადებაში.