ეროვნული ბანკის ყოფილი პრეზიდენტი, რომან გოცირიძე საბანკო სისტემაში მიმდინარე მოვლენებს ეხმაურება და წერს, რომ “ანომალიური რაღაც ხდება“.

გოცირიძის თქმით, დეპოზიტების საერთო მოცულობა 1,7 მილიარდი ლარით შემცირდა, რის გამოც ეროვნული ბანკისგან განმარტებას ითხოვს.

ანომალიური რაღაც ხდება ჩვენს საბანკო სისტემაში. 5 დეკემბერს დეპოზიტების საერთო მოცულობა იყო 57,9 მილიარდი ლარი, ხოლო 17 დეკემბერს გახდა 56,2 მილიარდი ლარი. რვა დღეში 1,7 მილიარდი ლარით შემცირდა. სად წავიდა ეს ფული დაუყოვნებლივ უნდა ახსნას ეროვნულმა ბანკმა და მთავრობამ. ხომ არ დაიწყო დეპოზიტების გადინება, ხომ არ გააქვთ უცხოელებს ფული, რომლებიც მილიარდობით ლარის ეკვივალენტ თანხას ინახავენ საქართველოს საბანკო სისტემაში?" - წერს რომან გოცირიძე.