"დღეს მოვიდა მინისტრის ბრძანება. შსს-ს რიგებიდან დათხოვნილი ვარ," - ამის შესახებ სოციალურ ქსელში გიორგი გოგინაშვილი წერს და საპროტესტო აქციიდან ფოტოს აქვეყნებს. 

მისი თქმით, შსს-ს რიგები დატოვა, თუმცა სამშობლოს სამსახურში ყოფნას აგრძელებს.

დღეს მოვიდა მინისტრის ბრძანება. შსს-ს რიგებიდან დათხოვნილი ვარ.

დავტოვე შსს-ს რიგები მაგრამ ვაგრძელებ სამშობლოს სამსახურში ყოფნას.

ვდგავარ იქ სადაც მეტად სჭირდება ჩემს ქვეყანას," - წერს გიორგი გოგინაშვილი. 

გიორგი გოგინაშვილმა შსს პროტესტის ნიშნად 3 დეკემბერს დატოვა.

"მივიღე გადაწყვეტილება და მივმართე შს მინისტრს ვახტანგ გომელაურს პატაკით, გამათავისუფლოს დაკავებული თანამდებობიდან" - წერდა გოგინაშვილი სოციალურ ქსელში გავრცელებულ პოსტში.