ეს არის უკვე ჩვენი სასოწარკვეთილი ხმა, რადგან არავინ გვისმენს- ამის შესახებ რეჟისორმა, ლევან (ჭოლა) წულაძემ გადაცემა „რეაქციაში“ განაცხადა და აღნიშნა, რომ დოის წამოწყება საპროტესტო მანიფესტთან დაკავშირებით, მისთვისაც აბსოლუტურად მისაღებია.

წულაძე მიიჩნევს, რომ ქვეყანაში არსებული სიტუაცია უკვე პასუხს ითხოვს, რადგან ყევალფერი გაიყინა.

პასუხს მოითხოვს სიტუაცია, გაიყინა ყველაფერი, მთავრობა დათმობაზე წასვლას არ აპირებს და ელოდება, როდის ჩაქრება ეს პროტესტი. უდანაშაულო ბავშვების პატიმრობას ვერ შეეგუება ვერავინ. დოის ყველა წამოწყებაში მის გვერდით ვიდგები.

ეს დღეები თეატრი ისედაც ყველაზე აქტიური იყო. ეს არის უკვე ჩვენი სასოწარკვეთილი ხმა, რადგან არავინ გვისმენს“, - განაცხადა წულაძემ.

23 იანვრიდან ქვეყანაში ხელოვანების კიდევ უფრო მძაფრი პროტესტი იწყება.  ახალი თეატრის დასის და თეატრელების მიერ ხელისულებისთვის წაყენებული ულტიმატუმის ვადა 20 იანვარს ამოიწურა. 

ვასო  აბაშიძის სახელობის ახალმა თეატრმა დაანონსა, რომ  23 იანვარს ხალხს საპროტესტო მანიფესტზე ელოდება. რეჟისორები და მსახიობები სცენის ნაცვლად ქუჩაში გამოვლენ. რა იქნება უკვე იქ, ეს ჯერ მხოლოდ რეჟისორმა იცის.