საქალაქოში 8 პირის გაერთიანებული სასამართლო პროცესი მიმდინარეობს
2 თებერვალს, "თბილისი მოლთან" მიმდინარე საპროტესტო აქციის ფარგლებში სისხლის სამართლის წესით დაკავებული 8 პირის გაერთიანებული სასამართლო პროცესი მიმდინარეობს.
ევროპული მომავლის სადარაჯოზე მდგომებს სტრატეგიული მნიშვნელობის მქონე ობიექტის ჯგუფურად ბლოკირების მცდელობას ედავებიან.
დღევანდელ სხდომაზე დაკავებულების - გიგი უგულავას, ვასილ ელიავას, ირაკლი ტაბატაძის, ირაკლი წიგნაძის, დიმიტრი ბიძინაშვილის, ნიკოლოზ კუპატაძის, ნიკოლოზ ქუმსიშვილის და ალექსანდრე გოგოლაძის მიმართ აღკვეთის ღონისძიების შეფარდებაზე იმსჯელებენ.
"პირველების" ინფორმაციით, პროკურატურა საპატიმრო გირაოს შუამდგომლობით შედის პროცესზე.
