დიდი ავარია თბილისში - 150 ათასი აბონენტი ზამთრის ყინვაში გაზის გარეშე დარჩა. "თბილისი ენერჯი" წერს, რომ ამ დროისათის 500 მმ-იანი მილი უკვე აღდგენილია და მოქალაქეებს გაზმომარაგება ეტაპობრივად აღუდგებათ. 

დაზიანებულ ცენტრალურ მაგისტრალზე სამუშაოები მთელი ღამის განმავლობაში მიმდინარეობდა.
 500 მმ-იანი მილი უკვე აღდგენილია. 
გაზმომარაგების აღსადგენად მეორე, ყველაზე რთული ეტაპი დაიწყო. ამისთვის თბილისი ენერჯის შესაბამისი სამსახურები სრულად მობილიზებულები არიან. 
შეგახსენებთ, რომ ავარიის შედეგად გაზმომარაგება 150 000 -მდე აბონენტს შეუწყდა.
ქსელში გაზის მიწოდების აღდგენა ეტაპობრივად დაიწყო. 
ეს პროცესი დროს და სიფრთხილეს მოითხოვს, ამიტომ გთხოვთ ყურადღებით იყოთ - შეამოწმეთ გაზის ონკანები და არ დატოვოთ ისინი ღია მდგომარეობაში. 
გაზმომარაგების აღდგენის შესახებ ინფორმაციას სმს-ით მიიღებთ. 
თბილისი ენერჯი კიდევ ერთხელ გიხდით ბოდიშს აბონენტებს მისგან დამოუკიდებელი მიზეზით შექმნილი დისკომფორტის გამო. 
გაზმომარაგების აღდგენა უკვე დაიწყო და ეტაპობრივად დასრულდება 11 თებერვალს დღის ბოლომდე, - ნათქვამია კომპანიის განცხადებაში.

ამ დრომდე ისევ დაუდგენელია, როგორ დაზიანდა მიწაში ჩადებული მაგისტრალური გაზსადენი. თბილისი ენერჯის ინფორმაციით, გაზსადენი მესამე პირმა დააზიანა. შემთხვევა ვაშლიჯვარში მოხდა. ადგილზე მისულ საავარიო ჯგუფს გაზსადენი ამოთხრილი დახვდა.