დიდთოვლობის და უამინდობის გამო საქართველოს რკინიგზამ რამდენიმე რეისი გააუქმა. ამის შესახებ მათ მიერ გავრცელებულ განცხადებაშია ნათქვამი.

ხვალ რკინიგზა ვერ მოემსახურება მგზავრებს, რომლებიც ოზურგეთიდან - თბილისში მოდიან. ვერ შესრულდება ვერც ბათუმი - ოზურგეთი და რიონი - ქუთაისის რეისები. 

ძვირფასო მგზავრებო!
გურიაში არსებული უამინდობის და   დიდი თოვლის გამო, უქმდება მატარებლების რამდენიმე რეისი, კერძოდ:
24 თებერვალი - ოზურგეთი-თბილისი
24 თებერვალი - ბათუმი-ოზურგეთი 
24 თებერვალი - რიონი-ქუთაისი-რიონი
შეგახსენებთ, რომ ქუთაისში მიმავალი მგზავრები, ოზურგეთის მიმართულებით მოძრავი მატარებლით რიონის სადგურამდე მგზავრობენ. ხოლო რიონის სადგურიდან ქუთაისი 1-ის სადგურამდე მგზავრობენ საგარეუბნო ელექტრომატარებლებით, რომელთა გრაფიკი მორგებულია თბილისი-ოზურგეთი-თბილისის მატარებლის განრიგს. 
შესაბამისად, 24 თებერვალს  ოზურგეთი -თბილისის სამგზავრო რეისის გაუქმების შედეგად უქმდება რიონი-ქუთაისი-რიონის  ელექტრომატარებელიც.
საქართველოს რკინიგზა ბოდიშს გიხდით შექმნილი დისკომფორტის გამო.მგზავრებს ბილეთის საფასური სრულად აუნაზღაურდებათ, - ნათქვამია ინფორმაციაში.