ზამთრის ოლიმპიადაზე ფიგურულ ციგურაობაში ვერცხლისმედალოსან წყვილს ერთ მილიონ ლარს გადასცემენ - ირაკლი კობახიძის გადაწყვეტილებით, ლუკა ბერულავა და ანასტასია მეტელკინა ნახევარ-ნახევარ მილიონ ლარს მიიღებენ.  

როგროც კობაიძემ პარლამენტის პლენარულ სხდომაზე განმარტა, პრემიის ოდენობა ისტორიული გამარჯვებიდან გამომდინარე გაორმაგდა.

„მე მინდა, პირველ რიგში, ჩვენს სპორტსმენებს მივულოცო ძალიან მნიშვნელოვანი წარმატება. პირველად ისტორიაში ჩვენმა ქვეყანამ მოიგო ზამთრის ოლიმპიადაზე მედლები, რაც არის ძალიან დიდი წარმატება. გრძელდება ქართული სპორტის წარმატების ისტორია. განსაკუთრებული მადლობა ამ გამარჯვების მთავარ შემოქმედებს ლუკა ბერულავას და ანასტასია მეტელკინას, ასევე, მათ მწვრთნელებს. დარწმუნებული ვარ, რომ ეს გახდება საწინდარი სამომავლო ძალიან მნიშვნელოვანი წარმატებებისთვის სპორტის ამ სახეობაში და სპორტის ზამთრის სახეობებში. აქვე ვიტყვი, რომ ჩვენ გვქონდა დაწესებული პრემია საპრიზო ადგილებისთვის, თითო მედლისთვის და წყვილისთვის, შესაბამისად, დაწესებული იყო პრემია 500 ათასი ლარის ოდენობით, შესაბამისად, თითოეული მიიღებდა 250 ათას ლარს. ამ გამარჯვებისთვის ჩვენ ვიღებთ გადაწყვეტილებას და თითოეული სპორტსმენი წყვილში მიიღებს 500 -500 ათას ლარს, გამომდინარე იქიდან, რომ ეს არის ისტორიული გამარჯვება, რომელიც მათ მოუტანეს ჩვენს ქვეყანას“, - განაცხადა კობახიძემ. 

იტალიაში, მილანსა და კორტინა დ'ამპეცოში მიმდინარე ზამთრის ოლიმპიურ თამაშებზე საქართველოს წარმომადგენლებმა ვერცხლის მედალი მოიპოვეს - ფიგურული ციგურაობაში;
ზამთრის ოლიმპიური თამაშების ისტორიაში საქართველოსთვის ეს პირველი მედალია.