ისტორიული გამარჯვება - დამოუკიდებელი საქართველოს ისტორიაში ჩვენი ქვეყნის საკალათბურთო ნაკრებმა პირველი მატჩი ჩაატარა მსოფლიო ჩემპიონატზე და პირველი გამარჯვება მოიპოვა.

იაპონიის ქალაქ ოკინავაში საქართველოს ნაკრების მეტოქე კაპოვერდეს გუნდი იყო. შეხვედრა 25 ქულიანი სხვაობით  85:60 დასრულდა.

ჩვენს ნაკრებს  ყველაზე მეტი, 16 ქულა კაპიტანმა თორნიკე შენგელიამ მოუტანა, 15 ქულა ჩააგდო გოგა ბითაძემ, 12 ქულა კი დუდა სანაძემ.

მომდევნო მატჩს საქართველოს ნაკრები ჯგუფის ფავორიტ სლოვენიასთან 28 აგვისტოს ჩაატარებს.