ჩეხეთის გოლი არ ჩაითვალა - დაძაბული მომენტი მატჩის 23-ე წუთზე
ევროპის ჩემპიონატის ჯგუფური ეტაპის მეორე ტურში საქართველოს ნაკრები ჩეხეთს უპირისპირდება.
მატჩის დასაწყისში ჩეხებმა ვილი სანიოლის გუნდს შეუტიეს, თუმცა გიორგი მამარდაშვილმა ბრწყინვალე მოგერიებებით "ჯვაროსნები" გაშვებული გოლისგან ორჯერ გადაარჩინა.
23-ე წუთზე კი ჩეხეთის ნაკრებმა საქართველოს ნაკრებს გოლი გაიტანა, თუმცა მსაჯებმა იმსჯელეს და გოლი არ ჩაითვალა.
საქართველოს ეროვნული საფეხბურთო ნაკრები ევროპის ჩემპიონატზე ისტორიაში პირველად თამაშობს.
EURO 2024-ის მატჩების ღია ჩვენებები საქართველოს ყველა ქალაქში დიდ ეკრანებზეა შესაძლებელი. ამასთან, როგორც ცნობილია, მიხეილ მესხის სტადიონზე საქართველოს ეროვნული ნაკრების ყველა თამაშს აჩვენებენ.
