გადამწყვეტი მატჩი და პირველი გოლი ხვიჩა კვარაცხელიას სახელზე - საერთაშორისო გამოცემა "მირორი" საქართველოს ეროვნული ნაკრების ფეხბურთელზე, ხვიჩა კვარაცხელიაზე ვრცელ სტატიას აქვეყნებს.

"მირორი" 26 ივნისს, საქართველო-პორტუგალიის თამაშზე წერს და ჟურნალისტურ პროდუქტს მთლიანად კვარაცხელიასა და კრიშტიანუს ურთიერთობას უთმობს.

მედია მკითხველს ხვიჩა კვარაცხელიას ბავშვობას ახსენებს და წერს, რომ ქართველი სპორტსმენის კუმირი მსოფლიო დონის ფეხბურთელი, კრიშტიანუ რონალდუ იყო, რომლის წინააღმდეგაც ნანატრი მატჩი სწორედ კვარაცხელიას გოლით გაიხსნა.

გამოცემა თამაშის დასაწყის აღწერს და წერს, რომ "ხვიჩა და რონალდუ, თავდაპირველად, ერთმანეთს ეხუტებოდნენ და სულ რაღაც 90 წამის შემდეგ, ერთ-ერთი მათგანი საზეიმოდ მიფრინავდა. სიურპრიზი ის იყო, რომ ეს არ იყო პორტუგალიის კაპიტანი, არამედ იყო კვარაცხელია".

როდესაც თამაშის დაწყებისთვის ათვლა დაიწყო, მოედნის შუახაზზე, ორივე მხარეს კვარაცხელია და რონალდუ დადგა. მათ გაუზიარეს ერთმანეთს კომპლიმენტები და ჩაეხუტნენ. ეს იყო ღიმილი ფეხბურთის უდიდეს სახელსა და მამაკაცს, მეტსახელად კვარადონას შორის. სულ რაღაც 90 წამის შემდეგ, ერთ-ერთი მათგანი საზეიმოდ მიფრინავდა. სიურპრიზი ის იყო, რომ ეს არ იყო პორტუგალიის კაპიტანი, არამედ იყო კვარაცხელია, რომელიც არა მხოლოდ კარგი ბომბარდირი და კარგი მოთამაშეა, არამედ სწორედ მას აქვს კარგი ტემპი და ის რეალური საფრთხეა. ფინალური სასტვენის შემდეგ, რონალდუ ჭექა-ქუხილივით იჯდა სათადარიგო სკამზე, რომელმაც პირველად ვერ გაიტანა გოლი ჯგუფურ ეტაპზე. მას ალბათ ის ამხნევებდა, რომ იმ მომენტში ყველა თვალი მასზე კი არ იყო, არამედ აღმოსავლეთ ევროპის ვარსკვლავისკენ, რომელიც მას კერპს უწოდებდა. აქამდე არასდროს ყოფილა ასეთი განსხვავება გამარჯვებულსა და დამარცხებულს შორის ევროპის ჩემპიონატზე", - წერს მირორი.

ჩვენ მოვიგეთ - ზღაპარი გრძელდება. დღეს სახალხო ზეიმის დღეა. საქართველოს ეროვნული ნაკრები ევროპის ჩემპიონატის მერვედ ფინალშია. ქართველმა ფეხბურთელებმა სასწაული შეძლეს. მინიმალური შანსი ბოლომდე გამოიყენეს, პორტუგალიელების უძლეველობის მითი დაამსხვრიეს და თამაში გამანადგურებელი ანგარიშით დაასრულეს.

საქართველოს ნაკრებმა აუფ შალკეს მოედანზე დაამარცხა გუნდი, რომელიც წლების წინ ევროპის ჩემპიონი გახდა. თამაშის დაწყებიდან რამდენიმე წუთში ხვიჩა კვარაცხელიას გახსნილი ანგარიშით და გიორგი მიქაუტაძის ზუსტად შესრულებული 11-მეტრიანი დარტყმით ახალი ისტორია დაიწერა. ეროვნული ნაკრები ახლა ახალი ბრძოლისთვის ემზადება. მეტოქე კიდევ უფრო ძლიერი, ესპანეთი  იქნება. თამაში კიოლნში, 30 ივნისს გაიმართება.