ამერიკის შეერთებულ შტატებში გამართული შუალედური არჩევნები დემოკრატიული პარტიის მნიშვნელოვანი წარმატებით დასრულდა. Reuters-ის უახლესი ინფორმაციით, დემოკრატებმა სენატში უმრავლესობა მოიპოვეს და წარმომადგენელთა პალატაზეც კონტროლი დაიბრუნეს. არჩევნების შედეგები პრეზიდენტ დონალდ ტრამპისა და რესპუბლიკური პარტიისთვის სერიოზულ პოლიტიკურ დანაკარგად შეფასდა.

დემოკრატებმა რესპუბლიკელებს სენატში სულ მცირე ექვსი ადგილი წაართვეს. მათ გაიმარჯვეს ისეთ ტრადიციულად რესპუბლიკურ შტატებშიც, როგორებიცაა ტეხასი, კანზასი და სამხრეთი კაროლინა. ტეხასში დემოკრატმა ჯეიმს ტალარიკომ რესპუბლიკელი კენ პაქსტონი დაამარცხა, კანზასში კი ადამ ჰამილტონი ბოლო 94 წლის განმავლობაში პირველი დემოკრატი გახდა, რომელმაც შტატიდან სენატში გაიმარჯვა.

დემოკრატებმა წარმატებას მიაღწიეს გუბერნატორების არჩევნებშიც. ტეხასში მოქმედი რესპუბლიკელი გუბერნატორი გრეგ ებოტი ჯინა ინოხოსასთან დამარცხდა, ხოლო დემოკრატებმა გუბერნატორის თანამდებობები აიოვასა და ოჰაიოშიც მოიპოვეს.

Reuters-ის ცნობით, ამომრჩეველთა უკმაყოფილების მთავარ მიზეზებს შორის ცხოვრების გაძვირება, საწვავის ფასების ზრდა და ირანთან ომი დასახელდა. არჩევნების შედეგები მნიშვნელოვნად შეცვლის ძალთა ბალანსს ვაშინგტონში და დონალდ ტრამპს საპრეზიდენტო ვადის დარჩენილი ორი წლის განმავლობაში კონგრესთან თანამშრომლობის აუცილებლობის წინაშე დააყენებს.