ქუთაისის მეორე ციხეში პატიმარი გარდაიცვალა - ინფორმაცია ამის შესახებ "პირველებს" მიაწოდეს.

ფაქტი უკვე დაადასტურა სპეციალურმა პენიტენციურმა სამსახურმა. უწყებაში "პირველებს" განუმარტეს, რომ პატიმრის გარდაცვალების მიზეზი საწოლიდან ვარდნა გახდა.

"ადგილზე გამოიძახეს სამედიცინო ბრიგადა, თუმცა მისი გადარჩენა ვერ მოხერხდა" - უთხრეს "პირველებს" პენიტენციურ სამსახურში. 

ფაქტზე გამოძიება დაიწყო საქართველოს პროკურატურამ.