გამრეკელის ქუჩაზე წყლის მილი დაზიანდა - გზის საფარი ჩაინგრა
თბილისში, გამრეკელის ქუჩაზე წყლის მილი დაზიანდა - როგორც ადგილობრივები სოციალურ ქსელში წერენ, ძლიერი წნევის გამო გზის საფარი ჩაინგრა.
ადგილობრივები "პირველებს" უყვებიან, რომ დაიტბორა სარდაფები - ადამიანებს წყალი საცხოვრებელ სახლში შეუვიდა.
მათივე თქმით, დაზიანდა საცხოვრებელი სახლის ფასადიც. რამდენიმე მძღოლი აღნიშნავს, რომ წყლის დარტყმის ძალის შედეგად დაუზიანდათ ავტომობილებიც.