რეკორდული სიცხე ევროპაში - დახურული სკოლები, შეფერხებული ტრანსპორტი და საფრთხის წითელი დონე იტალიის 18 ქალაქში
ევროპის ქალაქებში სიცხის რეკორდული მაჩვენებლია. გერმანიაში, ბელგიასა და ნიდერლანდებში ტემპერატურა უკიდურეს ნიშნულებს აღწევს, ხოლო ანომალიურ სიცხეს უკვე ათობით ადამიანის სიცოცხლე ემსხვერპლა. ივნისის ტემპერატურული რეკორდები მოიხსნა დიდ ბრიტანეთში, საფრანგეთსა და დანიაშიც, სადაც გასული შაბათი ბოლო 150 წლის განმავლობაში ყველაზე ცხელი დღე გახდა.
სიცხეს მსხვერპლი მოჰყვა საფრანგეთშიც. შეფერხდა რკინიგზის მოძრაობა და შემცირდა ელექტროენერგიის წარმოება. რამდენიმე ქვეყანაში დაიხურა სკოლები, გაუქმდა ღია ცის ქვეშ დაგეგმილი მასშტაბური ღონისძიებები, ხოლო იტალიის 18 ქალაქში წითელი საფრთხის დონეა გამოცხადებული. ბერლინში მოქალაქეების გასაგრილებლად პოლიციამ წყლის ჭავლის სპეციალური ავტომობილებიც გამოიყენა.
