უკრაინის შეიარაღებული ძალები ყირიმთან დამაკავშირებელ სახმელეთო გზაზე კონტროლს ინარჩუნებენ
უკრაინის შეიარაღებული ძალები კონტროლს ინარჩუნებენ რუსეთის მიერ ოკუპირებულ ყირიმთან დამაკავშირებელ სახმელეთო დერეფანზე და სისტემატურად უტევენ რუსულ სატრანსპორტო და მომარაგების საშუალებებს.
უკრაინული იერიშების შედეგად შეფერხებულია საწვავის, საბრძოლო მასალისა და სამხედრო ტექნიკის მიწოდება ზაპოროჟიესა და ხერსონის მიმართულებებზე მოქმედი რუსული დაჯგუფებებისთვის. ყირიმში კვლავ მწვავდება საწვავის დეფიციტის საფრთხეც.
ქერჩის ხიდზე განხორციელებული თავდასხმების შემდეგ რუსეთი დაზიანებული ინფრასტრუქტურის აღდგენასა და ალტერნატიული ლოგისტიკური მარშრუტების შენარჩუნებას ცდილობს. ამასთან, უკრაინული ძალები სახმელეთო დერეფანზე იერიშებს აგრძელებენ.