ოკუპანტებმა „აზოვსტალზე“ შტურმი დაიწყეს. ინფორმაციას „აზოვის“ პოლკის მეთაურის მოადგილე, სვიატოსლავ პალამარი, ავრცელებს. მისი ცნობით, ამ წუთებში რუსი სამხედროები ქარხნის ტერიტორიაზე შეჭრას ცდილობენ.

მთელი ღამე ავიაბომბებით გვბობავდნენ. დაიღუპა 2 ქალი, ახლა კი "აზოვსტალზე“ შტურმი მიმდინარეობს, - აცხადებს პალამარი. 

თავდაპირველად ინფორმაცია „აზოვსტალზე“ შტურმის შესახებ  ჟურნალისტმა ანდრეი ცაპლიენკომ გაავრცელა. 

ამ წუთებში ქარხნის ტერიტორიაზე შეჭრას ცდილობენ. ინფორმაციას "აზოვის“ პოლკის მეთაურის მოადგილე ადასტურებს. სხვა დეტალები ამ დროისათვის არ ვრცელდება, - წერდა ჟურნალისტი. 

რუსეთის ფედერაცია კი შტურმის გამართლებას ცდილობს და ცინიკურად აცხადებს, რომ სიჩუმის რეჟიმის დარღვევის გამო ისინი „აზოვის“ პოლკის პოზიციებს ანადგურებენ.