"აზოვსტალზე" იერიშებს ქალები ემსხვერპლნენ
ღამით "აზოვსტალის" დაბომბვას ორი ქალი ემსხვერპლა. ინფორმაციას უკრაინის ეროვნული გვარდიის მე-12-ე ბრიგადის მეთაური, დენის შლეგა, ავრცელებს.
მოცემულ მომენტში "აზოვსტალში" სიტუაცია ძალიან გართულდა. მთელი ღამის განმავლობაში ქარხანაზე იერიშები ხორციელდებოდა. სამწუხარო ამბავი უნდა გამცნოთ, ავიადარტყმას შედეგად ერთ-ერთ ბუნკერში ორი მშვიდობიანი მოქალაქე, ორი ქალი, ემსხვერპლა. დილიდან მტერი "აზოვსტალზე" შტურმს ცდილობს. ჩვენი მებრძოლები ყველა შეტევას ვაჟკაცურად იგერიებენ, - ამბობს შლეგა.
შლეგამ ასევე აღნიშნა, რომ ქარხნის ტერიტორიაზე მდებარე საველე საავადმყოფო იერიშების შედეგად მნიშვნელოვნად დაზიანდა, რის გამოც სრულფასოვნად ვერ მუშაობს. მისი თქმით, სამედიცინო მოწყობილობები და მედიკამენტები არასაკმარისია.
