ყურადღების ცენტრშია ბრიუსელი - რამდენიმე წუთში ევროპული საბჭოს საგანგებო სამიტი უნდა დაიწყოს. ევროპული სახელმწიფოების ლიდერები რუსეთის წინააღმდეგ ომში მყოფი უკრაინის საკითხზე იმსჯელებენ.

სამიტის დაწყებამდე ევროკომისიის პრეზიდენტმა, ურსულა ფონ დერ ლაიენმა ჟურნალისტებს განუცხადა, რომ დღეს ლიდერებს გადაიარაღების გეგმას წარუდგენს, რომელიც 800 მილიარდი ევროს თავდაცვით ინვესტიციას გულისხმობს. 

ირკვევა, რომ ფონდის დაფინანსების მექანიზმები ისეა შემუშავებული, რომ პრორუსმა ორბანმა  ვეტოს დადება ვერ შეძლოს. 

• განვიხილავთ მსურველთა კოალიციის შექმნის შესაძლებლობას, რათა ერთმა ქვეყანამ ყველა დანარჩენი ვერ დაბლოკოს- კაია კალასი

ამ ექსტრაორდინარულ დროს ჩვენ გვჭირდება განსაკუთრებული ზომების მიღება. მადლობა ვოლოდიმირ, რომ აქ ხარ. ახლა ევროპისთვის გარდამტეხი მომენტია, უკრაინა კი ჩვენი ევროპული ოჯახის ნაწილია. ევროპა აწყდება მკაფიო საფრთხეს. ამიტომ, ევროპას უნდა შეეძლოს დაიცვას საკუთარი თავი. ამიტომ, მე დღეს ლიდერებს წარვუდგენ გადაიარაღების გეგმას. ეს გეგმა 800 მილიარდი ევროს თავდაცვით ინვესტიციას გულისხმობს. ეს მისცემს წევრ სახელმწიფოებს ფისკალურ სივრცეს, ინვესტიცია ჩადოს თავდაცვაში. მისცემს ევროპას შესაძლებლობას ინვესტიცია ჩადოს უკრაინის თავდაცვისუნარიანობაში. ჩვენ უკრაინის გვერდით დავრჩებით იქამდე, სანამ ეს საჭირო იქნება." - განაცხადა ურსულა ფონ დერ ლაიენმა. 

ამავე თემაზე ასევე ნახეთ:

• ზელენსკი ევროპელ ლიდერებს: თქვენ ძლიერი სიგნალი გააგზავნეთ უკრაინელ ხალხთან, რომ ჩვენ მარტო არ ვართ
• ლიდერებს ვთავაზობ, დავადგინოთ უკრაინის EU-ში გაწევრიანების საორიენტაციო ვადა, ეს იქნება ჩვენი პოლიტიკური ერთგულება - ნაუსედა
• ძვირფასო ვოლოდიმირ, ჩვენ თქვენს გვერდით ვართ - კოშტა
• "ჩემთვის ყველაზე მნიშვნელოვანი ევროპის გადაიარაღებაა" - დანიის პრემიერი