ლიდერებს ვთავაზობ, დავადგინოთ უკრაინის EU-ში გაწევრიანების საორიენტაციო ვადა, ეს იქნება ჩვენი პოლიტიკური ერთგულება - ამის შესახებ ლიეტუვის პრეზიდენტმა, გიტანას ნაუსედამ ბრიუსელში ჟურნალისტებს, ევროპული საბჭოს სპეციალური შეხვედრის დაწყებამდე განუცხადა.

მისივე თქმით, უკრაინა ევროკავშირის წევრი ქვეყნებიდან მიიღებს 43 მილიარდ ევროს.

ლიეტუვა მზად არის, თავისი წვლილი შეიტანოს ფონდში, რადგან მოწოდებული ვართ, მხარი დავუჭიროთ უკრაინას ყოველწლიურად ჩვენი მთლიანი შიდა პროდუქტის 0,25%-ით. ჩვენ დავთვალეთ, თუ სხვა ქვეყნები მზად იქნებიან, გადაიხადონ იგივე რაოდენობა, უკრაინა მიიღებს 43 მილიარდ ევროს და ეს არის ბევრი. ეს არის სწორედ ის, რაც მათ ახლა სჭირდებათ. ასევე, მნიშვნელოვანია უკრაინის პოლიტიკური მხარდაჭერა. ასე რომ, ლიდერებს ვთავაზობ, დავადგინოთ უკრაინის ევროკავშირში გაწევრიანების საორიენტაციო ვადა, მაგალითად, 2030 წლის პირველი იანვარი. ეს არ იქნება სამართლებრივი განსაზღვრა, თუმცა ეს იქნება ჩვენი პოლიტიკური ერთგულება, რათა დავადგინოთ გზა და გავუგზავნოთ ძალიან მკაფიო გზამკვლევი ჩვენს მეგობარ უკრაინელებს, რომლებსაც სჭირდებათ ჩვენი მხრიდან არა მხოლოდ სამხედრო და ფინანსური, არამედ პოლიტიკური მხარდაჭერაც", - განაცხადა ნაუსედამ. 

ამავე თემაზე ასევე ნახეთ:

• "დღეს ლიდერებს წარვუდგენ გადაიარაღების გეგმას" - რას გულისხმობს ლაიენის პროექტი
• ზელენსკი ევროპელ ლიდერებს: თქვენ ძლიერი სიგნალი გააგზავნეთ უკრაინელ ხალხთან, რომ ჩვენ მარტო არ ვართ
• ძვირფასო ვოლოდიმირ, ჩვენ თქვენს გვერდით ვართ - კოშტა
• "ჩემთვის ყველაზე მნიშვნელოვანი ევროპის გადაიარაღებაა" - დანიის პრემიერი