ევროპარლამენტი მკაცრად გმობს „ქართული ოცნების“ რეჟიმის რეპრესიებს ჟურნალისტების, აქტივისტებისა და ოპოზიციის ლიდერების წინააღმდეგ - ამის შესახებ ევროპარლამენტარმა, ნილს უშაკოვსიმ ევროპარლამენტის საგარეო საქმეთა კომიტეტის სხდომაზე განაცხადა.

ევროპარლამენტარმა სხდომაზე პოლიტპატიმრებზეც ილაპარაკა, ახსენა დაპატიმრებული ქალი ჟურნალისტი, მზია ამაღლობელი და თქვა, რომ მზია ამაღლობელისთვის სახაროვის პრემიის მინიჭებით ევროპამ აღიარა, რომ ეს "ჩვენი საერთო ბრძოლაა".

ამაღლობელისა და ქართველი ხალხის ბრძოლა საქართველოს საზღვრებს სცდება - თქვა უშაკოვსიმ საგარეო საქმეთა კომიტეტის სხდომაზე.

სამწუხაროდ, ასე გარდაქმნა „ქართულმა ოცნებამ“ ქვეყანა, რომელიც ერთ დროს აღმოსავლეთ ევროპაში სხვებისთვის სამაგალითო იყო. დღეს ასობით პოლიტპატიმარი ზის გისოსებს მიღმა, მშვიდობიან დემონსტრანტებს პოლიციის სისასტიკით ხვდებიან, სამოქალაქო საზოგადოება უსაფუძვლო შეზღუდვების წინაშე დგას, ხოლო პოლიტიკურ ოპოზიციას ცრუ ბრალდებებით დევნიან. კანონები დაჩქარებულად მიიღება სამოქალაქო სივრცის შემდგომი შეზღუდვის მიზნით. დამოუკიდებელ მედიას მტრად წარმოაჩენენ, ხოლო დაშინებამ, ჯარიმებმა, დაპატიმრებებმა და ძალამ ჩაანაცვლა დემოკრატიული დებატები.

ასეთ გარემოში თავად სიმართლე იქცა წინააღმდეგობის აქტად. სწორედ ამიტომ არის მზია მაღლობელის საქმიანობა ასეთი ღრმა მნიშვნელობის მქონე. სახაროვის პრემია ყოველთვის ეძღვნებოდა იმ ადამიანებს, რომლებიც უარს ამბობენ სინდისის კომფორტზე გაცვლაზე. მზია ამაღლობელის ისტორია ასახავს იმას, რისთვისაც ანდრეი სახაროვი იბრძოდა – მორალური სიცხადე ზეწოლის დროს და გამბედაობა, როდესაც კონფორმიზმი უფრო მარტივია.

ეს პარლამენტი მკაცრად გმობს ქართული ოცნების რეჟიმის რეპრესიებს ჟურნალისტების, აქტივისტებისა და ოპოზიციის ლიდერების წინააღმდეგ. ჩვენ მოვუწოდებდით ყველა პოლიტპატიმრის დაუყოვნებლივ და უპირობო გათავისუფლებისკენ. ჩვენ ასევე მკაფიოდ გამოვხატეთ ჩვენი მხარდაჭერა ქართველი ხალხის და მათი ევროპული მისწრაფებების მიმართ, რომელთა წართმევასაც რეჟიმი ცდილობს.

მზია ამაღლობელისა და ქართველი ხალხის ბრძოლა აშკარად სცდება საქართველოს საზღვრებს. ეს არის საერთო კეთილდღეობისთვის ბრძოლა, რომელსაც ჩვენ, ევროპელები, ვიზიარებთ. ქუჩებში გახმიანებული მოთხოვნებია თავისუფლება, ანგარიშვალდებულება, კანონის უზენაესობის პატივისცემა – იგივე პრინციპები, რომლებზეც აგებულია ევროკავშირი.

სახაროვის პრემიის მინიჭებით ჩვენ ვაღიარებთ, რომ ეს არის ჩვენი საერთო ბრძოლა, რომელიც ერთად უნდა ვაწარმოოთ და გავიმარჯვოთ. გმადლობთ თქვენი ერთგულებისთვის და იმ მორალური კომპასისთვის, რომელსაც გვიჩვენებთ. ჩვენ არ გავჩერდებით მანამ, სანამ ყველა პოლიტპატიმარი არ გათავისუფლდება და ქართველ ხალხს არ ექნება თავისუფლება, გადაწყვიტოს თავისი მომავალი და ოცნებები“, – განაცხადა ნილს უშაკოვსმა.

" - განაცხადა უშაკოვსიმ.