ტროტუარზე დგომის საქმეზე 69 წლის მარინე ჟვანიას პროცესი 12 იანვრისთვის გადაიდო. შინაგან საქმეთა სამინისტრო მას პარლამენტის მიმდებარედ ხალხის გადაადგილებისთვის დაბრკოლების შექმნას ედავება.

მოსამართლე მანუჩარ ცაცუამ შსს-ს ამ შემთხვევაშიც ზედხედიდან გადაღებული კადრების წარდგენა დაავალა.

„ნამდვილად ვიდექი და ვაპროტესტებდი, მაგრამ ხალხიც თავისუფლად მოძრაობდა. არავისთვის დაბრკოლება არ შემიქმნია", - განაცხადა მან პროცესზე.

მუხლი, რომლის მიხედვითაც, ჟვანიას მიმართ ადმინისტრაციული სამართალდარღვევის ოქმი შედგა, სანქციის სახით 15 დღემდე ადმინისტრაციულ პატიმრობას ითვალისწინებს, ორგანიზატორის შემთხვევაში − 20 დღემდე ვადით.