ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილე, ერიკა ოლსონი, საქართველოს ეწვევა.

ვიზიტის მიზანი რეგიონული თანამშრომლობის განვითარება და ორმხრივი საკითხების განხილვაა.

ამ დროისთვის ერიკა ოლსონი სომხეთში მიემგზავრება, სადაც  სამხრეთ კავკასიის რეგიონში აშშ-ის მისიების ხელმძღვანელთა კონფერენციაში უნდა მიიღოს მონაწილეობას, რომელიც 2-4 ნოემბერს იმართება.

კონფერენციას დაესწრებიან აშშ-ის ელჩი საქართველოში კელი დეგნანი, აშშ-ის ელჩი სომხეთში ლინ ტრეისი და აშშ-ის ელჩი აზერბაიჯანში ლი ლიცენბერგერი.

სომხეთში ვიზიტის შემდეგ აშშ-ის სახელმწიფო მდივნის თანაშემწის მოადგილე საქართველოსა და აზერბაიჯანში ჩამოვა.