ნიდერლანდების პარლამენტში, საგარეო კომიტეტზე საქართველოს საკითხის შესახებ განხილვის დროს, მომხსენებელმა, ევროპული კვლევების დირექტორმა, გიორგი რუხაძემ შესავალი სიტყვით ისარგებლა. 

მან ნიდერლანდელ დეპუტატებს განუცხადა, რომ სამწუხაროდ, საქართველო მიტაცებული სახელმწიფოა. 

გიორგი რუხაძის თქმით, საქართველო უფრო და უფრო უახლოვდება ავტორიტარული ერების კლუბს, როგორიცაა რუსეთი, ჩინეთი, ირანი, ბელარუსი.

მისივე განცხადებით, ის რაც ქვეყანაში ხდება არა იზოლირებული მოვლენა, ან უბრალოდ შიდა პოლიტიკური კრიზისი, არამედ ფართო, გეოპოლიტიკური ოპერაციის ნაწილია.

დიდი მადლობა ამ დისკუსიის ორგანიზებისთვის, რადგან საქართველოს ეს ყურადღება ნამდვილად სჭირდება. თქვენთვის კარგი ამბავი არ მაქვს. სამწუხაროდ, საქართველო მიტაცებული სახელმწიფოა. ეს აღარ არის დემოკრატია, აღარ არის ნახევრად დემოკრატია. აღარც კი ოდნავ დემოკრატია. სამწუხაროდ, შემიძლია ვთქვა, რომ სინამდვილეში, საქართველო ახლა უფრო და უფრო უახლოვდება ავტორიტარული ერების კლუბს, როგორიცაა რუსეთი, ჩინეთი, ირანი, ბელარუსი. ალბათ გაქვთ კითხვა როგორ აღმოვჩნდით იქ? როგორ ვერ შენიშნა ევროკავშირმა, რომელმაც რამდენიმე წლის წინ საქართველოს კანადის სტატუსი მიანიჭა, ეს ტრაგიკული ტრაექტორია. ძირითადად, შემიძლია გითხრათ, რომ ის, რასაც ვაკვირდებით, რასაც ვხედავთ, არ არის იზოლირებული მოვლენა ან უბრალოდ შიდა პოლიტიკური კრიზისი, რომელიც ოლიგარქიული ძალაუფლების შენარჩუნებას ეხება. ეს უფრო ფართო, გეოპოლიტიკური ოპერაციის ნაწილია," - განაცხადა ევროპული კვლევების დირექტორმა, გიორგი რუხაძემ.

ცნობისთვის, ნიდერლანდების პარლამენტში საგარეო კომიტეტზე საქართველოს საკითხის შესახებ განხილვა მიმდინარეობს - ნიდერლანდელი დეპუტატები უსმენენ სამ მომხსენებელს, რომლებიც დეტალურად აცნობენ კანონმდებლებს საქართველოში არსებულ ვითარებას.