თამაზაშვილი: ნანგრევებიდან ამოყვანილია 6 ცხედარი, სამაშველო ოპერაცია დასრულდა
ბოლო ცნობები ფონიჭალიდან - რამდენიმე წუთის წინ გაირკვა, რომ მაშველებმა ნანგრევებიდან გადარჩენილი 3 წლის თაიას, 7 წლის დის ცხედარი ამოასვენეს.
მეექვსე ცხედრის ამოყვანის ფაქტი მედიას შინაგან საქმეთა მინისტრმა, სულხან თამაზაშვილმა ოფიციალურად დაუდასტურა.
თამაზაშვილის თქმით, ადგილზე სამძებრო ღონისძიებები ფაქტობრივად დასრულებულია.
„ნანგრევებიდან ამოვიყვანეთ 6 გარდაცვლილი, მათ შორის ერთი მცირეწლოვანი ბავშვი“, - განაცხადა თამაზაშვილმა.