ჯანდაცვის მინისტრის მინისტრის მოვალეობის შემსრულებელი, ეკა ტიკარაძე, გადადგომის შემდეგ პირველად გამოჩნდა.

ტიკარაძემ მთავარ კითხვებს, რატომ მიიღო გადადგომის გადაწყვეტილება, ვინ განიხილება მის შემცვლელად, გაექცა. 

თქვა მხოლოდ ის, რომ "პროტესტი არ ყოფილა" : 

არანაირი პროტესტი არ ყოფილა, ამის საფუძველი არ არსებობს და საერთოდ, პროტესტი არის დესტრუქცია. მოვუწოდებ ზოგადად საზოგადოებას, არ მიმართონ არანაირ პროტესტის ფორმას. ამას ჩემი მხრიდან არ დავუშვებ"- თქვა ტიკარაძემ. 

ეკატერინე ტიკარაძე თანამდებობიდან 9 დეკემბერს გადადგა. ამის შესახებ მან ,,ქართული ოცნების" ოფისში სპეციალურად გამართულ ბრიფინგზე განაცხადა.   

"ტვ პირველის" ინფორმაციით, დაპირისპირება ეკატერინე ტიკარაძესა და პრემიერ-მინისტრს, ირაკლი ღარიბაშვილს, შორის "მწვანე პასპორტების" საკითხს მოჰყვა.   

ჯანდაცვის მინისტრის მოვალეობის შემსრულებელი დღეს მთავრობის სხდომაზე არ გამოჩენილა.