დიახ, მე ვარ ხისტი - შალვა პაპუაშვილი
ხისტი, მაგრამ გულწრფელი ვარ - ასე პასუხობს პარლამენტის თავმჯდომარეობის კანდიდატი, შალვა პაპუაშვილი, ოპოზიციის კრიტიკას.
როგორც მან პარლამენტის რიგგარეშე სესიის პლენარულ სხდომაზე სიტყვით გამოსვლისას განაცხადა, თუ ოპოზიციას შემხვედრი ნაბიჯების გადადგმა უნდა, მის კანდიდატურას მხარი უნდა დაუჭიროს:
თუ თქვენ პრინციპულობას სიხისტეს ეძახით, დიახ, ვარ ხისტი; თუ იმ სიმართლის პირსაპირ თქმას, რისიც მჯერა, სიხისტეს ეძახით, დიახ, ხისტი ვარ. თუმცა ამ ყველაფერში გულწრფელი ვარ - განაცხადა შალვა პაპუაშვილმა.
ოპოზიციის შეფასებებზე, რომ პაპუაშვილი ხისტია, პარლამენტის თავმჯდომარეობის კანდიდატი ამბობს, რომ მთავარია, ადამიანი გულწრფელი იყოს.
