მიხეილ სააკაშვილი არის მხნედ და ამბობს, რომ აქედან მხოლოდ გამარჯვებული გამოვა - ამის შესახებ მიხეილ სააკაშვილთან შეხვედრიდან გამოსულმა ,,ენმ"-ს ერთ-ერთმა ლიდერმა, თინა ბოკუჩავამ, განაცხადა.

მისი განცხადებით, საქართველოს მესამე პრეზიდენტი რამდენიმე დღეში გამოაქვეყნებს წერილს, სადაც ,,ნაციონალური მოძრაობის" უახლოესი გეგმების შესახებ იქნება საუბარი. 

პრეზიდენტი სააკაშვილი, რა თქმა უნდა, ფიზიკურად სუსტადაა, მაგრამ არის მხნედ და ამბობს, რომ იბრძოლებს ბოლომდე და აქედან მხოლოდ გამარჯვებული გამოვა. ის ასევე ძალიან ღელავს და სოლიდარობას უცხადებს მოშიმშილეებს, რომლებიც ,,ენმ"-ს ოფისში შიმშილობენ. უახლოეს დღეებში მათ მიხეილ სააკაშვილი კონკრეტული გეგმით მიმართავს, თუ როგორ უნდა გაგრძელდეს ბრძოლა. 

რა თქმა უნდა, დიდი ინტერესია იმ გეგმის მიმართ, თუ როგორ უნდა გაგრძელდეს ბრძოლა, მაგრამ მე ამის შესახებ ამ ეტაპზე ვერ ვისაუბრებ, რადგან პრეზიდენტმა მითხრა, რომ ეს გეგმა რამდენიმე დღეში გასაჯაროვდება - განაცხადა თინა ბოკუჩავამ.