„ყაზბეგის“ საბაჟოზე შემოსულ და გასულ პირებს შორის მკვეთრი მატება არ აღინიშნება - შემოსავლების სამსახური
ფინანსთა სამინისტროს შემოსავლების სამსახური მედიაში გავრცელებულ ინფორმაციას, შემომსვლელ პირთა რაოდენობის მატებასტან დაკავშირებით სიცრუეს უწოდებს.
უწყების განცხადებით, საბაჟო გამშვები პუნქტი „ყაზბეგი“ შეუფერხებლად მუშაობს და ბოლო 10 დღის მონაცემებით, სახელმწიფო საზღვრის კვეთისას შემოსულ და გასულ პირებს შორის მკვეთრი მატება არ აღინიშნება.
„ფინანსთა სამინისტროს შემოსავლების სამსახური გაცნობებთ, რომ საქართველოს საბაჟო ტერიტორიაზე საქონლის შემოტანა/გატანა, ავტოსატრანსპორტო საშუალებების მიმოსვლა, აგრეთვე სახელმწიფო საზღვრის გადამკვეთ პირთა მიმართ საბაჟო კონტროლის პროცედურების განხორციელება სრული დატვირთვით, 24-საათიან რეჟიმში, შეუფერხებლად მიმდინარეობს.
აქვე აღვნიშნავთ, რომ ბოლო 10 დღის მონაცემებით, საქართველოს სახელმწიფო საზღვრის კვეთისას შემოსულ და გასულ პირებს შორის მკვეთრი სხვაობა/მატება არ აღინიშნება.
ფინანსთა სამინისტროს შემოსავლების სამსახური მოუწოდებს მედიასაშუალებებს, თავი შეიკავონ მცდარი და გადაუმოწმებელი ინფორმაციის გავრცელებისგან“,- ნათქვამია ინფორმაციაში.
