მიხაილო პოდოლიაკი "ქართულ ოცნებას" მიმართავს. ზელენსკის ადმინისტრაციის უფროსი მრჩეველი მზად არის, საქართველოში თავად ჩამოვიდეს  და პირადად წაიყვანოს მიხეილ სააკაშვილი სამკურნალოდ.

საკუთარი ქვეყნის მოქალაქის დარღვეულ უფლებებზე საუბრისას პოდოილიაკი ამბობს, რომ სააკაშვილს საქართველოს ხელისუფლება აწამებს.

საქართველოს მთავრობისგან უკრაინა ოფიციალურად ითხოვს მიხეილ სააკაშვილის სამკურნალოდ გადაცემას.

უკრაინამ და პრეზიდენტმა ზელენსკიმ კონკრეტული პოზიცია დაიჭირეს. რუსეთის ფედერაციისგან განსხვავებით უკრაინა სხვა ქვეყნის სუვერენულ უფლებებში არ ერევა. უკრაინა საქართველოს მთავრობას ოფიციალურად სთავაზობს რომ ბატონი სააკაშვილი გადმოგვცენ. მიხეილ სააკაშვილისადმი დიდი პატივისცემით ვარ განწყობილი. საქართველოს ისტორიისთვის და პოსტ-საბჭოთა სივრცისთვის ის მნიშვნელოვანი და ისტორიული ფიგურაა. საქართველოს მთავრობისგან ოფიციალურად ვითხოვთ რომ მიხეილ სააკაშვილი სამკურნალოდ გადმოგვცენ. თუ საჭიროდ არ თვლიან რომ უკრაინის მოქალაქე უკრაინას გადასცენ, მაშინ გადაიყვანონ მესამე ქვეყანაში სადაც იმ საჭირო სამედიცინო მკურნალობას მიიღებს, რომელიც საქართველოში ვერ მიიღო. ამას ხშირად ვიმეორებთ, როგორც დიპლომატიური არხებით, ასევე პრეზიდენტი ზელინსკიც ხშირად საუბრობს ამაზე. რაც შეეხება ჩემს პოზიციას. მე ვფიქრობ რომ საქართველოს მთავრობას სურს ისტორიაში შავ ლაქა დარჩეს, რომელმაც მიზანმიმართულად აწამა პრეზიდენტი. ვურჩევ ეს არ გააკეთონ. მოვუწოდებ მმართველ პარტიასა და მის დეპუტატებს, რომლებსაც ძალიან მოსწონთ რუსეთი, არ ჩაეწერონ ისტორიაში შავი ასოებით. ისეთი ერისთვის როგორც ქართველი ერია, ეს არ შეიძლება. თუ გინდათ პირადად მე ჩამოვალ და წამოვიყვან, პრობლემა არ არის. უბრალოდ მინდა საქართველოს მთავრობის მოტივაცია გავიგო. თუ არ უნდა საქართველოს მთავრობას უკრაინის მხარეს დადგეს, სწორი არჩევანი მაინც გააკეთოს. სააკაშვილის უკრაინისთვის ან მესამე ქვეყნისთვის ჰუმანიტარული თვალსაზრისით გადაცემა თვით საქართველოსთვის ძალიან კარგი იქნება“, – განაცხადა პოდოლიაკმა.