დეკანოზი სპირიდონ ცქიფურიშვილი, რომელიც გუშინ, პარლამენტის წინ მოძალადე ორკების გვერდით იდგა საპატრიარქოს კრიტიკას არ პასუხობს და ისრები ჟურნალისტებისკენ გადააქვს. 

"არ არის ეგ თქვენი საქმე" - თქვა სასულიერო პირმა "პირველების" კითხვის საპასუხოდ, ჰქონდა თუ არა კურთხევის გარეშე ანტიდასავლურ აქციაზე მისვლის უფლება. 

"უი რა მითხარით?"- აღნიშნა დეკანოზმა განცხადების მოსმენისას, სადაც საპატრიარქო ამბობს, რომ " მისი მოწოდებები საზოგადოების პოლარიზაციას უწყობდა ხელს". 

"თქვენ შეწუხდით ჩემს გამო და მაგაზე ნერვიულობთ? მადლობა სიყვარულის გამოხატვისთვის. მე თქვენგან ვისმენ რომ თურმე ქვებს ვისროდი. მადლობა და ჩემგან დიდი სიყვარული"- უთხრა დელანოზმა "პირველებს". 

სასულიერო პირი, რომელიც 5 ივლისს მოქალაქეებს ძალადობისკენ საჯაროდ მოუწოდებდა, პრორუსული "ალტ-ინფოს" წარმომადგენლებთან ერთად  საკანონმდებლო ორგანოსთან  გუშინაც გამოჩნდა.

დეკანოზი სპირიდონ ცქიფურიშვილი სიტყვით აც გამოვიდა და ევროკავშირის დროშას "მამათმავლობის ტრიაპკა" უწოდა.