საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი  ჯოზეფ ბორელი უკრაინის სამხედრო დახმარების ფონდისთვის (EBF) 3.5 მილიარდი ევროს დამატებას ითხოვს -  ამის შესახებ ინფორმაციას Reuters-ი ანონიმურ წყაროებზე დაყრდნობით ავრცელებს. 

გამოცემის ცნობით, ჯოზეფ ბორელმა თანხის გამოყოფის ინიციატივა უკვე წარადგინა. მან EU-ის წარმომადგენლებს სთხოვა, 3.5 მილიარდის დამატება ევროპის სამშვიდობო ფონდისთვის, რომელმაც უკრაინისთვის 4.6 მილიარდი ევროს დახმარება უკვე გამოყო.

ბორელის ინიციატივის დასამტკიცებლად ევროკავშირის წევრი ქვეყნების მთავრობის წარმომადგენლებისგან თანხმობაა საჭირო.