"ლელოს" წევრი ანა ნაცვლიშვილი პარლამენტის პლენარულ სხდომაზე ღარიბაშვილის ბრატისლავაში უსაფრთხოების გლობალურ ფორუმზე გაკეთებულ განცხადებებს მოღალატეობრივ გზავნილებს უწოდებს და ამბობს, რომ ძალიან მძიმე მოსასმენი იყო პრემიერის განცხადებები.

ნაცვლიშვილის თქმით, ღარიბაშვილმა ფაქტობრივად, NATO-ში საქართველოს ინტეგრაციის საკითხს ხაზი გადაუსვა.

ძალიან მძიმე იყო საქართველოს პრემიერის სტატუსით მოძრავი ადამიანის განცხადების მოსმენა დღეს მორიგი გლობალური სამიტიდან, სადაც მან არამხოლოდ ევროკავშირის გაწევრიანების სურვილზე, ფაქტობრივად, გამოხატა უარი, არამედ NATO-ში საქართველოს ინტეგრაციის საკითხსაც გადაუსვა ხაზი. ძალიან მძიმეა, ისმენდე ასეთ ნათელ, მკაფიო, დიახ, მოღალატეობრივ გზავნილებს საერთაშორისო ტრიბუნებიდან".- განაცხადა ნაცვლიშვილმა

დღეს ღარიბაშვილმა ბრატისლავაში უსაფრთხოების გლობალურ ფორუმზე ვლადიმერ პუტინის რიტორიკა გაიმეორა და განაცხადა, რომ უკრაინაში რუსეთის მიერ ომის დაწყების ერთ-ერთი "მიზეზი" NATO-ს გაფართოება იყო.