ცოლის მკვლელობაში მხილებული კაცი დუმილის უფლებას იყენებს. მოძალადეს ბრალის დადგენილება ოფიციალურად უკვე გააცნეს. ბრალდებული სასამართლო პროცესის  მოლოდინშია.

რა მოხდა მარნეულში და რატომ გაიმეტა საკუთარი შვილის დედა კაცმა სასიკვდილოდ? - მომხდარზე საუბარი სოფელ სადახლოში ყველას უჭირს. თუმცა კამერების მიღმა, ადგილობრივები ამბობენ, რომ მამაკაცს მძიმე ფსიქოლოგიური პრობლემები ჰქონდა, რაც ცოლ-ქმარს შორის კონფლიქტის დაწყების მიზეზი გახდა.

რა მოხდა არაფერი ვიცით, ამბავი ბოლოს გავიგეთ, მანამდე ყვირილის ხმაც არ გაგვიგია, ეს ოჯახური პრობლემაა და არ ვერევით," - ამბობს ახლობელი.

სოფელში არ ვიყავით და ველოდებით რას იტყვის თვითონ სასაამრთლო პროცესზე, როგორ ახსნის მომხდარს," - ამბობს ოჯახის ერთ-ერთი ახლობელი.

როგორც ირკვევა, კაცი ახალგაზრდა ცოლს მოკვლით რამდენჯერმე დაემუქრა. საბოლოდ კი, დანა აიღო, ცოლს ჩაუსაფრდა და სასიკვდილო დაზიანებები  გულ-მკერდის არეში მიაყენა.

ფემიციდი მარნეულში - პროკურატურამ დაკავებულს ბრალდება წარუდგინა. უწყების ცნობით, სოფელ სადახლოში, ქმარმა ოჯახური კონფლიქტის ნიადაგზე ცოლს დანით, გულმკერდის არეში სიცოცხლისთვის სახიფათო დაზიანება მიაყენა. დაზარალებული, მიყენებული ჭრილობების შედეგად საავადმყოფოში მიყვანამდე გარდაიცვალა.