"სალომე ზურაბიშვილი, პრაქტიკულად, თვითმარქვია პრეზიდენტია - „ქართული ოცნება“ კიდევ უფრო ძლიერად მოვა, ზურაბიშვილი ცრუ პოლიტიკური წინასწარმეტყველებით ნუ დაკავდება", - ეს განცხადება "ქართული ოცნების" წევრმა ალუდა ღუდუშაურმა გააკეთა. ღუდუშაური სალომე ზურაბიშვილის მიერ 2024 წლის არჩევნებსა და კოალიციურ ხელისუფლებასთან დაკავშირებულ განცხადებას გამოეხმაურა.

ღუდუშაური აცხადებს, რომ „ახლა, ისე როგორც არასდროს ხელის გულზე დევს შავი და თეთრი არჩევანი“.

სალომე ზურაბიშვილთან დაკავშირებით საერთოდ არ მინდა არანაირი შეფასება. ეს ადამიანი არის პრაქტიკულად თვითმარქვია პრეზიდენტი. ეს ადამიანი უბრალოდ „ნაციონალური მოძრაობის“ ამ სამარცხვინო... ყველა იყო ბედნიერი, ერთმანეთს ვულოცავდით ქართველი ხალხი ამ მნიშვნელოვან გადაწყვეტილებას და როგორი სახეებით იყვნენ, ისტორია შეაფასებს ამას და ქართველ ხალხს არასდროს დაავიწყდება მათი სასოწარკვეთილო სახეები. „ნაციონალური მოძრაობის“ მანდატებით იმპიჩმენტს ხელოვნურად გადარჩენილი სალომე ზურაბიშვილი დღეს საუბრობს მტკიცებით ფორმაში, როგორი უნდა იყოს თურმე ქართველი ხალხის გადაწყვეტილება, ეს არის სირცხვილი. სალომე ზურაბიშვილი არის კონსტიტუციის დამრღვევი და მისი გადასაწყვეტი არ არის, ბრძენი ქართველი ხალხი რა გადაწყვეტილებას მიიღებს. ქართველმა ხალხმა ძალიან კარგად იცის და ისე, როგორც არასდროს, ხელის გულზე დევს შავი და თეთრი არჩევანი, სალომე ზურაბიშვილის გადასაწყვეტი არ არის, ხალხი როგორ გადაწყვეტილებას მიიღებს. ქართველი ხალხი მიიღებს ისეთ გადაწყვეტილებას, რომ დარწმუნებული ვარ, რომ „ქართული ოცნება“ კიდევ უფრო ძლიერად მოვა, იქიდან გამომდინარე, რომ ის არის ხალხთან და ქვეყნის ინტერესებთან ყველაზე ახლოს, ამიტომ ზურაბიშვილი ცრუ პოლიტიკური წინასწარმეტყველებით ნუ დაკავდება”, - განაცხადა ღუდუშაურმა.

პრეზიდენტი კოალიციურ მმართველობას აანონსებს - სალომე ზურაბიშვილი ფიქრობს, რომ სწორედ ამ შემთხვევაში იქნება შესაძლებელი საქართველოს ევროკავშირში გაწევრიანება. ფრანს 24-თვის მიცემული ინტერვიუთი სალომე ზურაბიშვილმა "ქართულ ოცნებას" ეუბნება, რომ უნდა  ქვეყანაში დემოკრატიული არჩევნების გარეშე არაფერი გამოვა. სწორედ ამ გზავნილებით დაიწყო პრეზიდენტმა  უნებართვოო ვიზიტი საფრანგეთში.