აშშ-ს ელჩი, კელი დეგნანი პარლამენტს ვენეციის კომისიის რეკომენდაციების გათვალისწინებისკენ მოუწოდებს. ამის შესახებ დეგნანმა საარჩევნო კოდექსში შესატანი ცვლილებების პროექტის შესწორებული ვერსიის შესახებ, ვენეციის კომისია და ეუთო/ოდირის ერთობლივ დასკვნასთან დაკავშირებით განაცხადა.

ვენეციის კომისია საპატივცემულო ორგანიზაციაა, რომელიც თავის სამუშაოს ძალიან სერიოზულად უდგება. მნიშვნელოვანია, რომ პარლამენტმა საკანონმდებლო პროექტი ვენეციის კომისიას მიმოხილვისთვის გაუგზავნა და ასევე, მნიშვნელოვანია, რომ ახლა პარლამენტმა დანერგოს ის რეკომენდაციები, რომლებიც ორგანიზაციამ გუშინ წარმოადგინა. რეკომენდაციებში აღნიშნულია, რომ საკვანძო ასპექტები არ იყო შეტანილი კანონპროექტში და საჭიროებს შეტანას. გულწრფელად ვიმედოვნებ, რომ პარლამენტი პლენარულ სესიამდე დარჩენილ რამდენიმე დღეს გამოიყენებს იმისთვის, რომ ვენეციის კომისიის მიერ განსაზღვრული საკვანძო რეკომენდაციები ასახოს კანონპროექტში. ეს არის ის, რაც მოსახლეობას სჭირდება - როდესაც ოქტომბერში საარჩევნო უბნებზე მივლენ, უნდა დაინახონ, რომ მათი საარჩევნო სისტემა მნიშვნელოვნად გაუმჯობესებულია, ისე რომ, მათ ჰქონდეთ სრული რწმენა არჩევნების შედეგებთან დაკავშირებით,“- განაცხადა კელი დეგნანმა.

ცნობისთვის, ვენეციის კომისიამ და  ეუთო/ოდირმა  საარჩევნო კოდექსში შესატანი ცვლილებების შესწორებულ პროექტთან დაკავშირებით დასკვნა გამოაქვეყნეს, სადაც აღნიშნულია, რომ საარჩევნო კოდექსში შესატანი ცვლილებების პროექტის შესწორებულ ვერსიაში რამდენიმე ელემენტი კვლავ პრობლემური  რჩება.