"ფსევდო ლიბერალი" - "ოცნება"  ცნობილ პოლიტოლოგს თავს ივანიშვილის გაკრიტიკების გამო ესხმის. ირაკლი ზარქუა ამტკიცებს, რომ ფრენსის ფუკუიამამ საქართველოს შესახებ არაფერი იცის და ამიტომ მსგავსი განცხადებები მისგან გასაკვირი არ არის. მმართელი პარტიის წევრი პოლიტოლოგს ურჩევს, ქართელი ხალხის აზრს გაეცნოს. 

ეს არის ამერიკელი, სხვათაშორის, ცნობილი ლიბერალია, მოდი, დავარქვათ ფსევდოლიბერალი, რომლისთვისაც მნიშვნელობა არ აქვს ტრადიციას, არ აქვს კულტურას, არ აქვს შენს ისტორიას მნიშნელობა. ასეთი კაცია და ასეთი კაცისგან ეს განცხადება არ უნდა გაგვიკვირდეს. ეს ფსევდოლიბერალები უამრავი ჰყავს მსოფლიოს, ერთ-ერთი ცნობილი და გამორჩეულია სწორედ ეს ადამიანი. ჩამობრძანდეს აქ და აბა, დაიაროს სათითაოდ ჩვენი ქვეყანა და მათი აზრი მოისმინოს და მერე, აბა, ერთი, მაინტერესებს, რა პოძიციას დააფიქსირებს. თუ შეხვდება გიჟ ჯაფარას,თუ შეხვდება ხოშტარიას, ამ უსამშობლოებს თუ შეხვდება, მაშინ მესმის, ამ პოზიციაზე იქნება, მაგრამ ხალხს შეხვდეს, დაელაპარაკოს, - ამბობს ზარქუა.

მსოფლიოში ცნობილი პოლიტიოლოგი ფრენსის ფუკუიამა საქართველოს განვითარების მთავარ დაბრკოლებად ოლიგარქ ბიძინა ივანიშვილის გავლენას ასახლებს. "პირველების" კითხვის პასუხად თბილისში ფორუმზე ჩამოსულმა ფუკუაიმამ პირდაპირ თქვა, რომ ოლიაგარქი ივანიშვილი ქართველი ხალხის აზრს არ გამოხატავს. ფუკუიამ ოლიგარქიული მმართველობის პრობლემებზე საჯაროდ ისაუბრა და დეტალურად ახსნა, როგორ აფერხებს საქართველოს განვითარებას ივანიშვილის არაფორმალური მართვის სტილი.