„არა მარტო პენალტების დროს, მთელი თამაში რთული იყო, დიდ წნეხს და პასუხისმგებლობას გრძნობ. ემოციური თამაში იყო, მინდოდა, რომ ეს ხალხი გაგვეხარებინა,“ - ამ განცხადებას გიორგი მამარდაშვილი აკეთებს. 

გიორგი მამარდაშვილი გულშემატკივრებს მადლობას უხდის. 

ძალიან დიდი მადლობა მინდა გადავუხადო გულშემატკივრებს, მთელი ეს დროა გვერდში გვიდგას და გვამხნევებენ, მათი დიდი დამსახურებაა, დღეს რომ აქ ვართ, მიხარია, რომ გავაბედნიერეთ და გავედით ევროპის ჩემპიონატზე - ოცნება ავიხდინეთ,“ - თქვა მამარდაშვილმა.
 

საქართველოს ნაკრები ევროპის ჩემპიონატზე ისტორიაში პირველად გავიდა - ისტორიული მატჩი საქართველოს ნაკრების გამარჯვებით დასრულდა. საქართველოს ნაკრებმა საბერძნეთი პენალტების სერიაში დაამარცხა.

"სიხარულისგან აღარ ვარ. კიდევ მეტი გამარჯვებები, წარმატებები! დიდება საქართველოს!" - ასეთია საქართველოს ისტორიული გამარჯვების შემდეგ გულშემატკივრების რეაქციები.