საიდან აქვს ირაკლი ღარიბაშვილის ოჯახს დიდი ფული? - ოპოზიცია კითხვებზე პასუხს ითხოვს.

თამარ კორძაია ხელისუფლებისგან მოითხოვს ხელისუფლებამ ეს საკითხი სიღმისეულად შეისწავლოს.

მათი ეს ქონება აშკარად არ ჩანს დასაბუთებული. არ არის შესწავლილი წყაროები, საიდან აქვს მის ოჯახს ფული, ამიტომ ძალიან სერიოზული კითხვებია. ჩვენთვის ალბათ, ნაკლებად საეჭვოა ის, რომ ღარიბაშვილი იყო კორუფციაში ჩართული, მაგრამ სამწუხაროა ის, რომ ხელისუფლება არ სწავლობს ამ საკითხს სიღრმისეულად. მაგრამ ისინი არიან ერთ გუნდში და არც მაქვს მოლოდინი, რომ შეისწავლიან", - აცხადებს თამარ კორძაია.

რა წერია 23 მარტს შევსებულ განახლებულ დეკლარაციაში?

• 2023 წელსაც, წინა წლების მსგავსად, ირაკლი ღარიბაშვილს მშობლებმა 150 000 ლარი აჩუქეს;
• ყოფილი პრემიერის ხელფასი გასულ წელს 45,1 ათასი ლარი იყო (14 ათასი ლარით მეტი, ვიდრე 2022 წელს).
• ღარიბაშვილი ამტკიცებს, რომ 2023 წლის 30 ოქტომბრიდან 2024 წლის 23 მარტამდე მან დანაზოგი 40-დან 50 ათას ლარამდე გაეზარდა.

მდიდრული ოჯახური წვეულება

დოკუმენტის მიხედვით, წვეულების ორგანიზება პრემიერის ოჯახს 15 000 ლარი დაუჯდა

ირკვევა ისიც, რომ ცოლისთვის საჩუქარად გადაცემულ ტყის სარგებლობისთვის ღარიბაშვილმა  6255 ლარი დახრაჯა.

ყოფილი პრემიერის, ირაკლი ღარიბაშვილის განახლებული დეკლარაციის მიხედვით, ღარიბაშვილის შვილის აშშ-ში გადაფრენა 109 000 ლარი დაჯდა.