ვიცე-პრემიერი ყოფილი პრემიერის გამართლებას ცდილობს - ლევან დავითაშვილს ირაკლი ღარიბაშვილის ოჯახის შემოსავლებთან დაკავშირებით კითხვები არ აქვს და ამტკიცებს, რომ ყოფილი პრემიერის ოჯახს ბიზნესიდან აქვს შემოსავალი.

რაც შეეხება დეკლარაციის სანდოობას, დავითაშვილი ამბობს, რომ არცერთი სახელმწიფო უწყება არ არის დეკლარაციის შემოწმებაზე პასუხისმგებელი, თუმცა საუბრობს სპეციალურ ფორმატებზე, სადაც მისი თქმით, შეიძლება თითოეული დოკუმენტის ან ინფორმაციის გადამოწმება.

მის ოჯახის წევრს გააჩნია შემოსავალები. ის კერძო ეკონომიკური საქმიანობით, ბიზნესით არის დაკავებული და შესაბამისად, თითოეულ შემოსავალს აქვს თავისი ლოგიკური წარმომავლობის წყარო. თითოეული თანამდებობის პირის დეკლარაცია მოწმდება რისკების შესაბამისად, სამოქალაქო საზოგადოების ფართო ჩართულობით, ამიტომ ვერ ვიტყვით, რომ ეს არის პროცესი, როდესაც რომელიმე სახელმწიფო უწყება არის დეკლარაციის შემოწმებაზე პასუხისმგებელი. ეს ასე არ არის, რომ დაისვას კითხვა ამ ინსტიტუტის ნდობაზე ან სანდობააზე, ასე რომ არსებობს სპეციალური ფორმატები, მათ შორის კანონმდებლობით განსაზღვრული, სადაც შეიძლება თითოეული დოკუმენტის ან ინფორმაციის გადამოწმება", - აცხადებს ლევან დავითაშვილი. 

რა წერია 23 მარტს შევსებულ განახლებულ დეკლარაციაში?

• 2023 წელსაც, წინა წლების მსგავსად, ირაკლი ღარიბაშვილს მშობლებმა 150 000 ლარი აჩუქეს;
• ყოფილი პრემიერის ხელფასი გასულ წელს 45,1 ათასი ლარი იყო (14 ათასი ლარით მეტი, ვიდრე 2022 წელს).
• ღარიბაშვილი ამტკიცებს, რომ 2023 წლის 30 ოქტომბრიდან 2024 წლის 23 მარტამდე მან დანაზოგი 40-დან 50 ათას ლარამდე გაეზარდა.

მდიდრული ოჯახური წვეულება

დოკუმენტის მიხედვით, წვეულების ორგანიზება პრემიერის ოჯახს 15 000 ლარი დაუჯდა

ირკვევა ისიც, რომ ცოლისთვის საჩუქარად გადაცემულ ტყის სარგებლობისთვის ღარიბაშვილმა  6255 ლარი დახრაჯა.

ყოფილი პრემიერის, ირაკლი ღარიბაშვილის განახლებული დეკლარაციის მიხედვით, ღარიბაშვილის შვილის აშშ-ში გადაფრენა 109 000 ლარი დაჯდა.