"ირაკლი ღარიბაშვილი იცავს თავისნაირებს" - ამ სიტყვებით ეხმაურება უზენაესი სასამართლოს ყოფილი მოსამართლე, ბესარიონ ალავიძე ყოფილი პრემიერის იმ განცხადებებს, რომლითაც ღარიბაშვილი ე.წ. ვეტინგის სისტემას ეწინააღმდეგება.

ალავიძე სოციალურ ქსელში წერს, რომ ექსპრემიერი თავისნაირებს - "კლანის წევრებს" იცავს.

ირაკლი ღარიბაშვილი იცავს თავისნაირებს (კლანის წევრებს, ე.წ. მსხვერპლებს), აბა წესიერ ადამიანებთან  არასდროს არ იქნება ამ  სასაცილო კაცმაცუნას ადგილი. ცოტა ხანში მოგვთხოვს მურუსიძეს და ჩინჩალაძეს კომპენსაცია გადავუხადოთ და გამაჯანსაღებელი აბაზანები დავუნიშნოთ. კარგი ეს გასაგებია, მაგრამ ამ ადამიანების მსხვერპლებს რას უპირებთ ბატონო ირაკლი?" - წერს ალავიძე.

"თუ თავმოყვარეობა გვაქვს, არ უნდა დავუშვათ, რომ ჩვენი მოსამართლეები კეთილსინდისიერებაზე შეამოწმონ" - ეს განცხადება ირაკლი ღარიბაშვილმა გუშინ გააკეთა და ის მოსამართლეები დაიცვა, ვინც ე.წ. ვეტინგს ეწინააღმდეგებიან.