მედვედევს რაც მოსწონს, დუგინს რაც მოსწონს - ჩვენ ავტომატურად, უკითხავად, უსიტყვოდ არ მოგვწონს, 2x2 - ასე ეხმაურება "ოცნების" დეპუტატის, გია ცაგარეიშვილის შვილი, ირო ცაგარეიშვილი რუსეთის უშიშროების საბჭოს თავმჯდომარის მოადგილის, დიმიტრი მედვედევის განცხადებას, რომელიც ამტკიცებს, რომ საქართველოში რუსული კანონის წინააღმეგ გამართულ აქციებში აშშ-ს ხელ ურევია.

ირო ცაგარეიშვილი სოციალურ ქსელში წერს, რომ ოდესმე რუსეთის იმპერია აუცილებლად დაინგრევა და ამას ქართველი ხალხი აუცილებლად იზეიმებს.

მედვედევს რაც მოსწონს, დუგინს რაც მოსწონს - ჩვენ ავტომატურად, უკითხავად, უსიტყვოდ არ მოგვწონს, 2x2. 
ოდესმე ხომ მოკვდებით. და თქვენს სიკვდილსაც ხომ ვიზეიმებთ. და ოდესმე ხომ დაინგრევა თქვენი იმპერია, ჩვენს დროს თუ ჩვენი შვილების დროს, არ აქვს მნიშვნელობა. და ხომ გავთავისუფლდებით თქვენგან, თქვენი გავლენებისგან, თქვენი მოწონებული საქციელებისგან.
მაგ დღეზე ოცნებით იმდენი ადამიანი ვცხოვრობთ, რომ ახდება", - წერს ირო ცაგარეიშვილი.