მთავარი სანქცია ქართველმა ხალხმა უნდა გამოუტანოს ამ ხელისუფლებას 26 ოქტომბერს - ბუაძე
"ძლიერი საქართველოს" ლიდერის, საბა ბუაძის განცხადებით, საერთაშორისო პარტნიორების გზავნილები საქართველოს ხელისუფლების მისამართით გამკაცრებულია და ამას ნათელი დადასტურებაა სენატში გამართული მოსმენა.
ბუაძე ვარაუდობს, რომ პარტნიორების მხრიდან "ოცნების" შებოჭვის და სანქცირების კუთხით, ნაბიჯები კიდევ არის მოსალოდნელი", თუმცა, ოპოზიციონერის თქმით, მთავარ სანქციას ხელისუფლებას 26 ოქტომბერს ქართველი ხალხი გამოუტანს.
თუ ადრე ჩვენი პარტნიორების გზავნილები იყო ირიბი და უფრო რბილი, დღეს ვხედავთ, რომ მათი პოზიცია აი ამ რუსეთის სამსახურში მყოფ ხელისუფლებასთან მიმართებაში არის ძალიან ცალსახა. ისინი ძალიან კარგად ხედავენ და აანალიზებენ, რა საფრთხეს შეიცავს "ქართული ოცნების" მმართველობა ჩვენი ქვეყნისთვის, ქართველი ხალხისთვის, დემოკრატიისთვის ამ ქვეყანაში და მშვიდობისთვის და შესაბამისად, ჩვენი პარტნიორები ძალიან ღიად უჭერენ მხარს, ქართველი ხალხის ევროპული მომავლისთვის და განვითარებისთვის. "ოცნების" შებოჭვის და სანქცირების კუთხით, ნაბიჯები კიდევ არის მოსალოდნელი, მაგრამ მთავარი სანქცია ქართველმა ხალხმა უნდა გამოუტანოს ამ ხელისუფლებას 26 ოქტომბერს", - განაცხადა საბა ბუაძემ.
- ქართველ ხალხს ოქტომბერში შესაძლებლობა ექნება, თაღლითები მოაშოროს და საკუთარ ხელში აიღოს მომავალი - ეს იყო სენატორ რიშის მთავარი გზავნილი კონგრესში, სადაც საქართველოს საკითხზე მოსმენა გაიმართა.
- ავტოკრატები ყველაფერს აკეთებენ ხელისუფლებაში დასარჩენად - რიშის გზავნილი სენატიდან "ოცნებას"
- კარდინი: გასაოცარია, ეს კანონი რუსული კანონის შესაბამისად არის მოდელირებული, იმის გათვალისწინებით, თუ რა გაუკეთა რუსეთმა საქართველოს
ასევე ნახეთ, ეკა გიგაურის გზავნილები სენატიდან:
- თუ ქართული დემოკრატია დამარცხდება, რუსეთი კვლავაც უკანა ეზოდ მოგვნიშნავს - ეკა გიგაურის სიტყვა აშშ-ის სენატში
- ეკა გიგაური: გადამწყვეტ ბრძოლაში ვართ, სუვერენიტეტის, დამოუკიდებლობისა და დემოკრატიული მომავლის დასაცავად უკან დახევას არ ვაპირებთ!
- რას მოიცავს რუსული კანონის რეპრესიული ზომები - ეკა გიგაურის სიტყვა სენატში
